سعيد فرحاوي

******

خلوني هاد لبال ما هناني...

وانا غادي
غمزني سعدي
غير نكادي 
حركاتني الوقت
وجعة
او شلا تخمام
كلت :
شكون كال كلامو
حزم حرامو
اوعاود لحساب من جديد
شكون فينا ركب اسفينا
بلا ما يرجع لحساب لمقامو
شكون فينا
عاود غناه
جر رجاه
بلا ما يحرك عنادو
ياك هي غير حلمة ونسينا
وشلا غاوت وراه
شكون فينا
عاود سرو
اودفن همو
خبا لخاطر اعماه
في مطامر خلاه
ياك هي غير نخصة
ماعندا ضرسة
جات او مشات
علاش بكانا
تنخصيص
ولسيس
كال مولاها
غير ضبابة
ماعندها خيال
ماعندها مركد
فين يدفن صداع الراس
هبال
هم
شلا قرطاس
هاد البال ماهناني
زحمة
كول وحلة
اوشلا مايتكال
هي رواح فزكت لعمر
خلا بلا موالي
كية زغبية
روح مرمية
نفس حرامية
بلا اصل
بلا تاويل
هي كسدة معفونة
جرة مدفونة
شياطة تعدات لقياس ..
وانا غادي
غمزني عمري
بانت لي الثقبة في نفسي
بلا ما نعرف
كلت :
هي غدر
هي نظر
شلا ضر
عشش فينا
تجدر
خثر
فات لوقر
زاد من لنكاد
شلا ويدان...