محمد البراقي الحسناوي

******

(ياللي ليك القلب ارتاح)
15/2/018
ياللي داويت بك لجراح
ملي شفتك ارتحيت
لمن قبلك منها قاصيت
اشحال اتمحنت واصبرت
من افعيلها تقهرت
جات موجة الداتها ارتحت
من صبري ما رديت لقلبي
نروم لقريب نشكي ليه همي
اه عليها في الهم عيشتني
ياللي ليك القلب ارتاح فهمني
انت عقلي وضو عيني
نستيني في همي وما اجرالي
اما هاديك بكلام حلو خدعتني
انت العقل والروح اديالي
بعد سنين ليلة من ليالي
اتكشفت بانت
مابقات حاملة خيالي
فكرت مزيان في أمري
وجهت دعوة لخالقني
اقبل دعوتي فكني
القيت لتفهمني اتصون عرضي
وانت مالكي يابنتي
حررت سنين علي عيشتي
غير قولو لي لمن نشكي
من الله الواحد لخلقني
اه عليك اول مرة اتلاقيت بك
قلبي ابغاك وعقلي فكر فيك
عقلي قال لي ماعندك مادير بيها
وقلبي قال لي دير راسك فيها
اش يوقع لي ليها ليها
فعلا القلب زرفني في الفضيحة
اشحال عورطت
اشحال صادفت من مصيبة
في طريقها
اخويت لقبيلة
ياللي ليك القلب ارتاح
ياللي داويت بك لجراح
كانت احلام
دازت مع ليام
وانت خير وسلام
نسيتيني الحزن والتخمام
انت في صغري شفتك في لمنام
انت هي لحلام
اشحال هادي
كنت عايش حياة ظلام
بقلمي محمدالبراقي الحسناوي