الناس فيها وفيها
*^*^*^*^*^*
*^*^*^*^*^*
شي حجر ينزل سربوب سريع بلا تاجيلة
قاسح ، وشي مثل طوب برطوبة تجي هايلة
شي مقبول ومحبوب عند الناس والعايلة
شي لخيوبتو مكسوب للشر نفسو مايلة
والناس حجر وطوب ما جا ف الأمثلة
شي غارق ف لعيوب مريضة نفسو عليلة
عليه مرادفة لذنوب و سيئات ثقيلة
صيتو غادي ويذوب قيمتو شحال هزيلة
زرعو بكري منقوب بقات غير الكحيلة
ما بغى يوعى ويتوب ايام لعمر قليلة
شي عكسو ، بالمقلوب ريبو خثر بكليلة
فيه الفايدة مرغوب ديما داير الطايلة
كلامو رزين ومحسوب بعبارات جميلة
عابقة بنسمة وطيوب بين لخلايق جايلة
ما فيها غدر وكذوب أو حيالة زايلة
شي لخواضو مجلوب اختصاصي ف الحيلة
ف كلامو عسل مصبوب يقطر سم رتيلة
مع نفاقو مصحوب الضحكة صفرا ذليلة
هذا رفاكتو اللاروب قيمتو هابطة مايلة
محطوط مثل شي كوب مديور للتشليلة
ف اللمة ما مرغوب ديما ف تبهديلة
تقولو حامل ميكروب جاه ف وقت الكايلة
منبوذ كعبي مزغوب مرمي كي جرتيلة .
قاسح ، وشي مثل طوب برطوبة تجي هايلة
شي مقبول ومحبوب عند الناس والعايلة
شي لخيوبتو مكسوب للشر نفسو مايلة
والناس حجر وطوب ما جا ف الأمثلة
شي غارق ف لعيوب مريضة نفسو عليلة
عليه مرادفة لذنوب و سيئات ثقيلة
صيتو غادي ويذوب قيمتو شحال هزيلة
زرعو بكري منقوب بقات غير الكحيلة
ما بغى يوعى ويتوب ايام لعمر قليلة
شي عكسو ، بالمقلوب ريبو خثر بكليلة
فيه الفايدة مرغوب ديما داير الطايلة
كلامو رزين ومحسوب بعبارات جميلة
عابقة بنسمة وطيوب بين لخلايق جايلة
ما فيها غدر وكذوب أو حيالة زايلة
شي لخواضو مجلوب اختصاصي ف الحيلة
ف كلامو عسل مصبوب يقطر سم رتيلة
مع نفاقو مصحوب الضحكة صفرا ذليلة
هذا رفاكتو اللاروب قيمتو هابطة مايلة
محطوط مثل شي كوب مديور للتشليلة
ف اللمة ما مرغوب ديما ف تبهديلة
تقولو حامل ميكروب جاه ف وقت الكايلة
منبوذ كعبي مزغوب مرمي كي جرتيلة .
ليست هناك تعليقات:
إرسال تعليق