مالك ياقلمي
مالك ياقلمي في حالة
ياك في كل موضوع كتسارى
تسوى تقدير فوق الغالة
تبغي صفا ماتبغي قدارة
ترسم تنقش ليا حروف
وتهدن باللطف لخواطر
هذا حالك هذا معروف
ماشي قاسي ماتحب شواقر
حدك عند سطور حدودي
ماتقلق حد ديما مبرد
ديما مبسم ليا ورودي
طايع وملبي كتغرد
منك خارجة الفايدة لناس
ف حصيدتك هاكلشي يرعى
ياك منك ساقي لغراس
ياقلمي عارفك ماتسعى
وخ تكون واصلة لداك لعظم
هاز هم الناس ناسي راسك
ديما ياحبيبي ومسلم
وحلولك ظاهرة في ساسك
ياك فوق لحصيرة متواضع
ثايق فيك يامفيق نعاسي
قلب لكبير ياقلمي ومطاوع
يامنور دنييتي عراسي
وصديق الشمعة ف ليالي
منك لكلام زايد معاني
يارفيق العايلة وكل غالي
ياشهدة مقطرة من لساني
ليك سلامي ياللي معايا
ومونسني ياك قدامي
جالب ليا سر هنايا
ومسافر بيا ف حلامي
كلمات الزجال بوسبولة المحجوب
مالك ياقلمي في حالة
ياك في كل موضوع كتسارى
تسوى تقدير فوق الغالة
تبغي صفا ماتبغي قدارة
ترسم تنقش ليا حروف
وتهدن باللطف لخواطر
هذا حالك هذا معروف
ماشي قاسي ماتحب شواقر
حدك عند سطور حدودي
ماتقلق حد ديما مبرد
ديما مبسم ليا ورودي
طايع وملبي كتغرد
منك خارجة الفايدة لناس
ف حصيدتك هاكلشي يرعى
ياك منك ساقي لغراس
ياقلمي عارفك ماتسعى
وخ تكون واصلة لداك لعظم
هاز هم الناس ناسي راسك
ديما ياحبيبي ومسلم
وحلولك ظاهرة في ساسك
ياك فوق لحصيرة متواضع
ثايق فيك يامفيق نعاسي
قلب لكبير ياقلمي ومطاوع
يامنور دنييتي عراسي
وصديق الشمعة ف ليالي
منك لكلام زايد معاني
يارفيق العايلة وكل غالي
ياشهدة مقطرة من لساني
ليك سلامي ياللي معايا
ومونسني ياك قدامي
جالب ليا سر هنايا
ومسافر بيا ف حلامي
كلمات الزجال بوسبولة المحجوب
ليست هناك تعليقات:
إرسال تعليق