عبد السلام البعليوي

*******

ولاَ ف سواقْ مَلْهي
********
مرة يْفيّقْ همي
نْعَّدْ نْجومْ ؤنَحْصيها
مرة واشْ أنا آدمي
ف لَرْض نمْشي فيها
*********
إفيّقْني عل للي باعو لونهم لَريحْ
ؤطمعو منو جاهْ ؤقيمة
لَبْياضْ عل بومَسُوسْ يْسَرْسَرْ وطيحْ
طوبو اهبيلْ ؤحالتو عديمة
*********
إفَكَرْني ف شْدايدْ لَيامْ الشادة
ؤتْزاوَقْ لَكلامْ ؤضَّحكَة لَمْغلْفة
والآبْسينْ الحَرْ ونارْ البارْدة
مافيهم مْحنَّة ولامْوالْفة
**********
القاهْ فيا كل اليومْ
ب وَسواسْ وللي ما يَسوا
وذكّرْني ب للي ماعندُ سومْ
للي ما إيْگرْ فيهْ ادْوا
**********
جالْ معيا ؤجَلتْ معاهْ
جَلْنا ف اركاني لَحْلامْ
والحلْم اصباحْ اجلاهْ
صارْ مْعاوْدة وكلامْ
*********
تْسرَطْ ليا اللسانْ
ف مْجامعْ الناسْ
وتْخلَّطُو ليا لُوزانْ
والدوقْ مْساسْ
**********
لوكانْ فْهمني ؤطاوعني
وهذا اصعيبْ المنالْ
هكذا تربى وهو مني
عيَّاني ب طَرحْ السؤالْ
؟
؟
من ديوان ارتاج الكلمة
عبد السلام البعليوي