لعقل معك:بقلم محمد البراقي الحسناوي

(لعقل معك )14/2/018
كيف ندير ننساك
العقل بالو معاك
يالحبيبة ماسخيت  بيك
الموت الغدارة فرقاتني عليك
كيف ندير ننساك
ليام زينة عشت معاك
انت ولا وحدة تسواك
انت فضلي وراس مالي
انت الحبيبة  اديالي
نتفكرك تهبط الدمعة
يالضو يالقمرة يالشمعة
حزين  عليك
كل ليلة نتفكر حديثك
قلبك لحنين نتفكر  ضحتك
كيف  ندير ننساك
 ولا وحدة تسواك
ماننساك يازينة لبنات
ماننساك يا للات العيلات
ديما على بالي
حبك طير انعاسي
من افراقك  احزين  نقاسي
طلي علي والخا  غير في منامي
انت الغزالة الصبارة
فرقتني عليك الموت الغدارة
اكويتني كيا
زدت على مابيا
كل عشية انوجد راسي للسهرة
الليل اونسي  والگمرة
ديما على بالي
 ولا صورتك ابغات التنسا
كيف اندير ننساك
عقلي بالو معك
يالحبيبة  ماسخيت بيك
الموت الغدارة فرقاتني عليك
بقلمي محمدالبراقي الحسناوي