Chadil Hocine

******

وصاوني في صغري ودرت بالوصية
قالو لي رد البال من العقرب والحية

رد بالك لا تزعم وتقطع الواد الساكت
لا تغرك شمس الصباح فكر فالعشية

ااه وموصاونيش نرد البال من ابنادم
صاحبت ش جنوس بالنية مشيت ضحية

وجوه الشر هذا بخنجر طعني في الظهر
ااه وذاك هاز رماحو جايني يتسلت ليا

والاخر رامي اشباكو ويتسناني نتشد
والاخر شحال من نشبة انصب ليا ...!

طاح في يدي العجب مالسعتني عقرب
ولا حية ولا الواد الساكت دارها بيا

سمعت وشفت حتى عييت ومالقيت
مخلوق شرو فايت شر ابنادم فهاذ الدنيا

مسلحين بالشر يحلفو على الغذر
الشلاهبية النصابة يا لغافل سمع ليا

بنادم ماشفت ابحالو يلسعك ماتحس
سمو يسري في ذاتك بشويا بشويا

شديل الحسين