محمد البراقي الحسناوي

******

16/2/018

لفعة قرطيطة
سمها سم
لامخافت ماتحشم
امشات عند اسبع
هيدروتو طلباتو
رد لها لجابو
بغيوانها عجباتو
الزين ماعليك بزين
في حياتو غصباتو
عمي اسبع
ابغات يكن اضبع
يگول والخا
اللفعة عند بالها حكماتو
عند الملعون خدماتو
اسبع فيه النية
امنع من الخشبة
حس بها اتغصبو غصبة
اجمع الوگفة
خلا من موراه الغبرة
لزرگ مشيتو حضرة
امشا لغارها
اعرف اسرارها
ارخف عليه الحال
فگد فراسو
ماضاع في والو
ابقات صحتو
مافكر في مالو
ارجع للغابة
القا غزالو
بان لي ارتاح بالو
اتنقا اخيالو
الصحة فضلو وراس مالو
بقلم محمد البراقي الحسناوي