ماشبع :بقلم محمد البراقي الحسناوي

(ماشبع)15/2/018
شحال قدك منو يالبايت بلا عشا
الناس قادية حاجة
انت  ماعرفناك
 رجل ولا امرأة  هجالة
كل ليلة جماعة
داير جقلالة
اش هاد الحالة
باركة من لبسالة
الناس عرفاتك ساستك
مابقاو حاملن كمارتك
عيتيهم بالكدوب
بانو فيك  شلا اعيوب
ماعرفناك واش احمق ولا مجدوب
كل خمس سنين كلام
ولا لدرباتو ايدو مايتلام
قليل النفس
 مافراسو لاهم ولا تخمام
اه  انت  حاسب راسك اسبع
انت ريحتك ريحة اضبع
اوه خمس سنين ماشبع
وزادگالهم صبرو خمس سنين نرجع
اسبع اولد الميمتي اسبع
الشوفة اديالو تخلع
لكلاه يبان عليه  يشبع
اضبع يبق اضبع
ريحتو عاطية ياكل مايشبع
هو والعافية بحال بحال
والخا يكسب اقناطر من الاموال
دايما  جيعان واش هدا حال
بقلمي محمدالبراقي الحسناوي