******
اش هاذ الزمان يا لخوت
كثر التباهي حتى فالموت
كثر التباهي حتى فالموت
واحد محروق على اباه
والاخر لاوي رجليه اتسناه
يكرمو ويحط ليه القوت
والاخر لاوي رجليه اتسناه
يكرمو ويحط ليه القوت
تدفن المرحوم فرمشة لعين
وجدو الكراسي تبناو لخزاين
تجمعو العايلة تحاورو لخوت
وجدو الكراسي تبناو لخزاين
تجمعو العايلة تحاورو لخوت
هذا نديرو اللحم بالبرقوق
الآخر معنقر يشوف الفوق
نطق وقال البسطيلة بالحوت
الآخر معنقر يشوف الفوق
نطق وقال البسطيلة بالحوت
نطق ثالثهم وقال اقتراح
مرق باللحم والديسير تفاح
وبنان وعتب وليمون وتوت
مرق باللحم والديسير تفاح
وبنان وعتب وليمون وتوت
داو وجابو في الكلام كل وفين صد
هذا عند البقال والاخر الجزار قصد
والاخر يذخل العزايا نيابة علخوت
هذا عند البقال والاخر الجزار قصد
والاخر يذخل العزايا نيابة علخوت
جابو السرباية والطيابة طيب
انا بعدا طاح فيدي العجب
ما عرفتها عرس ولا موت
انا بعدا طاح فيدي العجب
ما عرفتها عرس ولا موت
تحطو الطباسل اشكال وانواع
التفاح والموناضة والدلاع
اش هاذ الزمان يا الخوت
التفاح والموناضة والدلاع
اش هاذ الزمان يا الخوت
حتى من العزايات والعزايا
فلانة جابدا لعكر ولمراية
كتعكر ،احياني فات الفوت
فلانة جابدا لعكر ولمراية
كتعكر ،احياني فات الفوت
وفلان يقاد في الكرافاط
ويستيكي عل السباط
باش يريط فلانة،مكبوت
ويستيكي عل السباط
باش يريط فلانة،مكبوت
كلشي عائق باغي يبان
اهل الميت والعزايا يازمان
مالك تبدلتي وبهدلتي
اهل العز وعزيتي الديوت
اهل الميت والعزايا يازمان
مالك تبدلتي وبهدلتي
اهل العز وعزيتي الديوت
مشى منا الحيا والحشمة
من القلوب زالت الرحمة
رد بينا يا كريم راه فات الفوت
من القلوب زالت الرحمة
رد بينا يا كريم راه فات الفوت
شديل الحسين
ليست هناك تعليقات:
إرسال تعليق