Hassan Zayri

******

إيه ألعمر
أنا نصبر
بدات الصحة تقلال
ودوامها من المحال
جاني المرسول
بلا برية
شعرة بيضة
ربي ارسلها لي
شفتها وسالت من عيني دمعة
كوات خدي
كيف دموع الشمعة
تكوي بلاما تحرق
گلت إيه ألعمر
شحال ماكنت نفكر
الوقت مني يتسرق
ونايا ف دنيتي سارح
كيف لحمق
تابع لهتوف ونحقق
ناسي باللي الروح
اليوم ولا غدا تزهق
واش ف حالي يخمم ف الرزق
ونا عارف ربي هو اللي يرزق
إيه ألعمر
مابقيت نفكر
ولا باقي نهضر
نمشي ف الطريگ
اللي ربي بها آمر
ونحاول ما نزلگ ولا نعثر
نعطي لروحي الخاطر
حتى يتقادا لعمر
بقلم حسن الزايري
13/2/2018قصيدة ؛:::المرسول