بقلم الاستاد رواح حسن

.........سيدي القاضي

سيدي القاضي
شوف اش جرى
واحكم بصرف النظره
قالو علينا من شحال تحررنا
في السر عاودنا تستعمرنا
فظيحتنا غافلين بلي يجري
وكبيرنا وصغيرنا يدري
سيدي القاضي
خلصنا من المستعمر السري
للجاه والنسب ماشي بامري
انت عارف حالنا وهمنا
خنجر لغدر تابت في صدورنا
قطرة في الكاس ما تروي
عطشان ناشف حلقو
غابة حزن مخبيا بشجرة
سيدي القاضي
يكفينا من الطغات الاهانة
عبودية ورق واستبداد
وزادنا منهم الارهاب
تقتلات الكرامة فينا
وتطبق فينا قانون الصياد
النار فينا فينا على الدوام
ولكبل ما تصنع ليديهم
تصنع ليدينا ما يحتاج عبار
سيدي القاضي
خدنا للنار يمكن تكون جنة
الى تقارنات ب لستعمار
........................بقلم رواح حسن