Mohammed El Wafi

******

دردبنا الوقت بلا شوار
بلا خبار الدنيا
بلا تحزار
والجاي منو مكشط
بلا قشابة بلا ريحيية
اللي خلاوه لخوت
يكملوه الرهوط
ب التكراط
والتمطاط
وتحفاف اللحيا
دحاونا دحيا
شد ليا
نقطع عليك
اتجيني وم نجيك
اتدير بلاصتك ف لاكليك
سوا خو ولا رفيق
المال يالموال
والحق لمشقلب
غير زيد ولا ادردب
م خصنا لا اقباب
ولا اسطالي
غ اللعب ف العالي
والساهرين الليالي
م شي اللي ف بالك وبالي
ليالي مطرزة ب الموزونة
وماها يرقرق
ف كيسان بلار يشالي
اقبط الخط
وﻻ دير ابحالي
واش هاد الشي اللي الوقت
انا مزاوگ الخوت
رفقو
حسو
بلا تكبار
راه الرحمة م شي ب لعبار
محمد الوافي