فوزية اسلاميات

******

بالصْدْقْ وْالْمَوَدّة ارْمِ البْذُور
وانْــــثُــر الحُبْ هنا ...وهنا ..
واسْقِ بْعْطِيتْكْ الزُّهُورْ
ودُورْ مع قوافل الخير دُورْ
راه معاها يْحْلَى العُبُورْ
وتْحْصْدْ شْلاَّ حسنات
وانْتَ مْسْرُورْ
لِّي عْطَا وقت الحاجة
عْطِيتُو مْضَاعْفَة عَنْد الغَفُورْ
الصَدَقَة تْدْفْعْ الْبَاسْ
وتْبْنِي القْصُور
عَنْد مولاك يحبك
الله على شُعور
بادر واقْـــتَاحْمْ
أبواب الخير
وعِيشْ مع الحُورْ
زْرْعْ البَسْمَة فْ قْلوب مَحْرومة
سَيْطر عليها الجوع
وقتلها البرد
قبل ماتْــبُــور
كُــلْ ما صْدقْتِـــي مْقْبول
غْطَا ....سُكر ...زِيت
حْتَّى الطَّبْشُورْ
راه دُوزْ لِيَّام والشهورْ
وكُــلْشِي يْــفْــنَى ويْــبْــقَى
غير ما وْهْـبْتِي فْ حُبُورْ
يا انسان رْكْبْ أَجْنحةْ الْخِيرْ
فْــتـشْ الْــقْــبُـورْ قْبْلْ الْجْحُورْ
سْوْلْ على الفقير والمقهور
ف عطيتك مَاتْحْــتَاجْ لْجْمْهُورْ
فاعل الخير دُورْ
مع قافلة الخير دُورْ
راه معاها يْحْلَى الْعُبُورْ
فوزية بوقريان
16/2/2018