رضوان المنتصر السهامي

******

ياربي واش هدا الزهر
ميدخل غير الوسخ بين اللحم والظفر
ياإنسان إتقي الله وللعشرة والدم ماتهجر
حليت عيني وشرني ريح البحر
لنحسبو رفيقي يطعني في الظهر
تحطمات العشرة والقلوب صبحات حجر
معندك ماتعمل أراسي معليك غير بالصبر
مبقى جاني نوم ولاتجمع الشفر مع الشفر
نبرد خاطري ونكويها في قلبي بالجمر
يا راسي انسى كلام الناس راه اللغيط كثر
لبغا حالتو تبقى زينة عليه بالوقر
حلي كلامك وبعد على المنكر
راه مداق الثمر معمرو يكون مر
ودير إيمانك في الله معمرك تخسر

بقلم : رضوان المنتصر السهامي 16/02/2018