يا هلال
***************
يا هلال
ف كفي
شفتك فال
شايل لمحبة
قنديل !
ضيو للغرام بشارة
مشموم !
مرصع نوارة نوارة
عود يدندن !
ف دواخلي بجهارة
بسمة !
ترد الروح يا مسرارة
يا هلال !
ياااا هلال
بهاك فاق الخيال
حكايتك
غناية بألف موال
ف حضورك
فيك نسافر بعيوني
ما تغمض لي جفون
تبرد ناري اللي كداتg شحال
و ف بعادك
يتجننو بلغياب جنوني
يسواد ف لهوى لوني
و الشوفة ف غيرك تدبال
***************
نورالدين حدوشي
ليست هناك تعليقات:
إرسال تعليق