نزهة صابر ام القمرين

*****

اسمحلي أستاذي

اسمحلي أستاذي
جيت ندي السلاح
العلم و الفلاح
بيه نفتاخر
لقيت مجتمع قاصي
دَوَّر هضرة و كلام في راسي
لقيت باب مدرستي
فيه شلى وجوه
حالفين هد المجتمع يشوهوه
سمحلي أستاذي
سلاح لبلية غلب عليا
صاطو سمهم في ودنيا
كثروا اسميات
تخلطو لبليات
و لعقول مشات
رشات بالتخدير
حار التلميذ اش يدير
فين الحل فين التدبير
سمحلي أستاذي
ماشي انا لي هزيت يدي
لبلية قبل اضربك ضرباتني
هجرت التعليم
أو وليت فيها عايم
ندور بين صحابي هايم
نجر هذا و هذاك
كيف جروني تا أنا
سمحلي أستاذي
ما لقيت لي يسمعني
ول مسؤول يفهمني
انا ولدكم ولد دار
بغيت نرجع عندكم
نبعد من طريق لشرار
سمحلي أستاذي

يتبع
نزهة صابر ام القمرين