Abdelhaq Tawfiq Elbakkali

******

***أرملة مَاشِي هجّالة ***
------------
رجْعاتْ تَعْبانة منْ حرْثْ فدّان الجدّْ
گالتْ يمكنْ الصّبرْنفذْ وْفاتْ الحدّْ
تقاضى جهْدي تهدِّيتْ وتْسَالى الجّهدْ 

دْراعي مبْيوعة فسَبيلْ البنتْ والولدْ 
هاكّا دِيمَا عرْگانة فعزّ الشّْتا و لْبرْدْ 
فحرّ الصّيفْ وحرْنةْ وْشُومْ هادْالصّهدْ 
دْراعْ يجبدْ ويْطيحْ يتْهَدّْ و دْراع يقبْـض ْْيشَدّْ 
نصبرْ ونحْلمْ ونْكابرْ وخّا تهرّس فيَّ القدّْ 
تعلّمتْ نذوقْ حرْ ّوَحْريقْ تبـْدال الجـّلًدْ
نتمرْمدْ جْناحِي مكْسُورة وكحَاليَّ الخَدّْ 
مَلّي نغطِّي ونكْسـِي البنت يتْعرّى الولْد 
لامَنْ يحنّْ وْلاَ گلبْ عادْ يمْكنْ نْـوَسـّدْ
طلبـْت قايدْ المخزنْ على عْوِينْ بتحْزارْ وجدّْ 
گالّي هجّالة غيرْصبْري وْكابْرِي حْتى لمَنْ بعـْد ْ 
يمكن نتفكّروكْ ملّي تزْيانْ الوقْت ويبياض السّعدْ