شعيب صالح المدكوري

****

لَكْبِيرْ فِ لْعِينْ صْغِيرْ

***

مَ ضَرْنِي غِيرْ

لِ تَقتْ فِيهْ ؤُ غْدَرْ

ظَنِّتُو اِكُونْ خِيرْ

خْوَ بَيا مَ عْدَرْ

لْبَسْتُو تُوبْ حْرِيرْ

طْلَعْ دْرَگْ يَنْحَرْ

گُلتْ نْسَاوِي نْسَيَّرْ

لْگِيتْ مَ عَنْدِي زْهَرْ

مَ حْسَبْتُو اِكُونْ شْرِيرْ

هَدَ مَ جَا بِهْ لَقْدَرْ

بْنَادَمْ بِ وُجُوهْ كْثِيرْ

اِتْجَبَّدْ عْلِيكْ ؤُ يَتْنَتَّرْ

تتَرْجَّا مَنُو تَنْوِيرْ

اِحَاسَبْ مْعَكْ ؤُ اِتْشَطَّرْ

اِدِيرْ لَقْلِيلْ ؤُ صْغِيرْ

يَشْهَرْ بِهْ ؤُ يَفْتَخَرْ

لْعِينْ لِ شَافْتُو كْبِيرْ

تـخْدَعْ بِهْ ؤُ تْهَيتَرْ

تْخَلِّي لْگَلْبْ سَنْتِيرْ

يَضْرَبْ جَدْبَة تْوَتّرْ

***

شعيب صالح المدكوري

تامسنة 30.12.2017