محمد البراقي الحسناوي

******

(من اسباب الطلاق )27/12/017
شافها
تعلق بها عجباتو
تقدم ليها يخطبها قبلاتو
بنية خالصة تزوجاتو
ولدات معه اولاد من قلبها ابغاتو
نهار خرجو رجليه اشواري
على حقها عدباتو
من عين للمخيط خرجاتو
لصقت عليه نهار عشقاتو
نهار وماطال
تتسناه مصاب اتشوف اخيالو
فعلا كان هاني سعيد في حياتو
عليه ليلة بعام
فوك يرجع يشوف مولات دارو
حب كبيرةبيناتهم
الشيطان ادخل بيناتهم دار خدمتو
اصداع ليل ونهار
كلام نابي شجار
ضرب جرح اطردها من الدار
صبرات واعيات
من افراجت الناس ملات
عمروها اصحاب السيئات
رفعات دعوة في المحكمة
دازت اشهور اتنفدات
حكموا عليه بالنفقة بشلا ملينات
داخت بيه
مابقا يعرف راسو من رجليه
كان يتسنا تسمح ليه
غالط مسكين عند بالو مازالة كتبغيه
ارسل ليها مرسول باش ترجع ليه
احكات سببها مشكلها ليه
قالت الرجل كنبغيه
اتسامحت وأصبرت ليه
كل شي زين فيه
الغدرة والخيانة لولة فيه
الرجل الخوان اشكون لتقبل عليه
قالت ويطلقها
يعطيها ابراتها
يأدي لها نفاقت اولادها
ماخلات ماشرطت عليه
وحتى السجن حلفات تادخلو ليه
في الحقيقة هي عبرت عليه
حدت ليه النفخة لفيه
خليه يكون عبرة لگرانو وليه
لفي هدا الحال يخمم يرد راسو ليه
هدا حالنا واحنا الماليه.....
البشر احجر وطوب
مول النوبة ينوب
انوصيك اتهلا في مولات الدار
بالعاطفة والحنان
الابتسامة
وعدم الخيانة
حتى هي عندها قلب
كيعشق كيحب
اللسان معها رطب
المراة صبارة قليلة الغضب
بقلمي محمدالبراقي الحسناوي