Mohamed Ali Gourch

******

مشموم الياسمين
""""""""""""""""""
يا مشموم الياسمين
كيف يمكن لي ننساك
عليك ما نتخلى
راه ما عندي سواك

نورك يسطع
ملي تلاقا عيني معاك
كيف الكمرى وسط نجوم
مضويا ف سماك

ديتيها زين واضرافا
يحسن عوان قلبي اللي بغاك
زينك كمرى وحروفو نجوم
ديما ملازماك

كنتي وريدة صغيرة
ماعرفتي كيفاش كبرتي
و شكون اللي سقاك
ناري تقتلني الغيرة
يلا جا غيري و جناك

راني أسير حبك
وسباب جريمتي هو بهاك
غير اصبر يا قليبي دستور الحب
و قوانينو هي اللي ساجناك

وريني القاضي في محكمة الحب
نستانف دعوتي عفاك
ماندير محامي قلبي هو اللي يدافع
و يحكي قصتو معاك

يلا ربحت الدعوة
نكمل حياتي معاك
مرحبا بك في مملكتي
راكي ف عينيا ملاك

علي الكرش : في 2017/12/26