فاطمة المسعودي

******

يَا بْلادِي شْحـالْ تْمَرْمَدَتْ فِيكْ مَنْ تْمَرْمِيدَة
صَابـــــَرْ للضّيمْ وْ كَاتَـمْ فَـالْقَلـــْب اجْمَارِي
--
شْحالْ يَا بْلادي بْكِيتْ وَ تْنَـهّدْت مَنْ تَنْهِيدَة
شَفْت خَيْرَك فَالدْلالة و الْبَايَعْ يْرَبّحْ الشّارِي
--
دّااااوْ حــــــــبْ وَ تْبَـــنْ وْ زَادُو لَحْصِيـــدَة
هَا الّلــي عَمّرْ خَنْشَة هَا الّلــي عَمّر شْوَارِي
--
يَتْسَنّاوَكْ غيٍ الطّيحِي وْ كُلا يْطِيرْ بْ كَدّيدَة
بْ جًهّد الله قَدْرَكْ دِيمَا مَرْفُوعْ بْلا سْوَارِي
--
يَــا بـْلادِي رَانِــي مَنّكْ وَ انْتِ مَنّــي بْعِيدَة
مَـنْ تْرَابَكْ خْلَقْت وْ مَـــاكْ فَعْرُوقِــي سَارِي
--
شْحَالْ تْمَحّنَتْ وْ مَا هَزّاتَكْ عْلِيـــــا تْفَدْفِيدَة
انْتِ بُويَا وَانْتِ الأمْ فِيكْ أهلِي وفيك وْكَارِي
--
يَا بْلَادِي أنْتِ فَالْقَلبْ وَخّا يْدِيرُو عْلِيّا حْدِيدَة
وَ الّلي قَاسَكْ نْهِيجْ عْلِيـهْ جْمَـــلْ أعْشَــــارِي
--
وَ مْرُورَْتَكْ يَـــا بْلادِي نْكَولْ عْلِيهَا لْـذِيــــذَة
وْ مَــــــا نْخَلّي لَعْــدُو مْنِينْ يَعْرَفْ اسْرَََارِي
--
رَانِي مَا نْفُوتَكْ يَا بْلادي وْحُبّك سْكَنْ لَكْبِيدَة
وَ فَوْجَه الطّمّاعَة نَشْعَلْ نَارْ تَلْهَبْهُمْ اجْمَارِي
---------------------
فاطمة المسعودي /// سلا