Said Lachhab

******

" حال الفن "

خيي...وا هْيَا خَيِّي
ف صدري نكتم شْهَادة
قلة الشي كَ تْعَيِّي
و هاد لحْوال فين غادا
عْيِّيت ما نْسَيِّي
بين هَدَاك و هَادَا

دادا...وا هيا دادا
جابو خبارو الصيادة

گالولي راه مات الفن
و شكون عزاني فيه
وشكون جاب لكفن
وشكون عْلَم مواليه

واااااااااش !!
الفنان غي سمية
يزرع فدادن الود
ويحصد جمار الكية
واش....أدادا
حالنا ما عندو سعد
وريني حدود التضحية

واش ...أبابا
ديك الگسدة
ما كانت حطابة
ما ناضت ف سروية
ما عرفت حكام البرد
ما داگت شحيط الصهد
بين صباح وعشية
تولي قصة مَنْسية
عيب ....وعار
عيب.... وعار
ننساو...رواد الأغنية
وشكون جاب خبار
..حالتهم الصحية

أبا با ...وهيا بابا
حالي ما هو حال
طاح سوم الموال
الكلمة.... والنغمة
ف الركنة...تغمال

لشهب سعيد