" اليوما جايني مداح "
اليوما جايني مداح
غير البارح كنت عدوك
آش تبدل يا صاح
حتا غيرتي ف اللوك
كيف طرا وسرا
جبتي الورد هاد المرة
وانا ولفتك بمشموم الشوك
غير البارح كنت عدوك
آش تبدل يا صاح
حتا غيرتي ف اللوك
كيف طرا وسرا
جبتي الورد هاد المرة
وانا ولفتك بمشموم الشوك
البارح كنتي براح
بنعوتي درتي البوق
بخباري عشية وصباح
عمرتي شلا سوق
وكيف طرا وسرا
طفات فيك ديك الجمرة
حتا وليتي فيا معشوق
بنعوتي درتي البوق
بخباري عشية وصباح
عمرتي شلا سوق
وكيف طرا وسرا
طفات فيك ديك الجمرة
حتا وليتي فيا معشوق
وكيف ننسى لجراح
بغرايبك قلبي مهلوك
تعديتي بزاف يا صاح
حتا ظنيتك مملوك
وكيف طرا وسرا
ولات نفسك حرة
وتفكرتي باللي انا خوك
بغرايبك قلبي مهلوك
تعديتي بزاف يا صاح
حتا ظنيتك مملوك
وكيف طرا وسرا
ولات نفسك حرة
وتفكرتي باللي انا خوك
على سلامتك من الضياع
كنتي مني مسروق
كما خلتيني ديك الساع
باقي على العهد الموثوق
ودير النية هاد المرة
وخطي عليك ديك الهضرة
ونسى هادوك اللي خانوك
كنتي مني مسروق
كما خلتيني ديك الساع
باقي على العهد الموثوق
ودير النية هاد المرة
وخطي عليك ديك الهضرة
ونسى هادوك اللي خانوك
لشهب سعيد
ليست هناك تعليقات:
إرسال تعليق