صباح اهتمام

******

انتَ باغي وحدا
تردها عندك عبده
تصبن غير لهدمه
توجدليك اللقمه
وهي ماتدويش
انت ديما ضاصر
عاطيها لتقاصر
ؤعليها عاصر
تبات فالبيران
صباح تجي سكران
تزرك ليها لعينين
ؤ تسب الوالدين
علاه هادي رجلا
بحالك مايلزمنيش
راني امرا حرا
بمثلك ما نرضى
سير لاتوليش
اناعندي كرامه
ربي زادني مرتبه
لغيرو مانحنيش
انا باغيا راجل
فجنبي ديما حاضر
لاعيت نتكا عليه
تكون عندو كلمه
اشوفني ديماهمه
وانا نفخر بيه
بقلم :صباح اهتمام