Badia Elkadioui Elidrissi

******

ذاب حرفي وغبر
تاه في غمامةوانثر
تابع الدخان ويفاخر
ينفخ في الجمر
من صهدو يتعفر
بين الشدة والردة
توضر
قلبت عليه وسط
عقلي لقيتو تبخر
غفات عيني حلمت بيه
تنور
رجع يدردك ويتعنگر
ركب على البركي وبدا
يتبورد
هاز علام ابيض ويتبختر
ويگول انا غادي نتبحر
في هاذ البرد نتبرد
را الراس سخن ؤ ولى ابربر
خفت عليه يثور و يتجرد
من الرحمة وبالبغض يتهور
نگول في راسي كيفاش
مخي يعاند
بغيت حرفي يكابر
يبرد لقلم ويسافر
يغوص في قاع البحر
يصيد حوت العنبر
يدير من القصبة عود
مخنثر
يشگ تراب لوجع
ويمحي الحزن من جوف
القبر