Amina Izeddaghen

******

جابني ليك الشوق يا الغالية
بزينك تبليت وليت غير داوية
قلبي ليك عاشق وسرنا دفناه
تحت ديك الدالية
شحال من عام وانا نزورك...
وتمنيت تاخذيني...
ورا ديك الصخرة العالية
وتحلي خيوط همي...
ما بين شطانك الهادية
وفرحي يكون عرس...
بمرساك الضاوية
جبالك عشقي..جبالك عشقي...
من الجبهة للصفيحة
وغرامي ليك عشتو
فميرامار الخضرا الزاهية
حبي فيك ساكن...
بين احضانك الدافية
سلبتي عقلي واخذيتيه..
بين مواج بحورك الهايجة
و فرحتي بيك
يا خضرة لجبال بالعز شامخة
وكل منتفكر غرامك الباهي
نقول انت فتنة روحي وعمري
بهواك مسلوبة وانت السالبة
ويبقى نار الشوق ديما يجيبني ليك
يا الحسيمة...يا الزينة...يا الغالية

بقلم : امينة سعيد ازداغن