Abdelhaq Tawfiq Elbakkali

***

*** تهليلة حمْدْ على مطر الخيرْ والسّعدْْ

الحمدوالشّْكر للواحد لكْبير العالي المنّانْ
منزّلْ الْمَا بْجُودُو وعطْفُو ومعمّر وَِيدانْ 
فوْجهْ بْهَايم مضْرورة كثيرْوشْيوخ وصبْيانْ
من بعْد القنْط وزيادةْ الشرّ والعصيانْ
ربّي كبير ورْحيمْ مايواخذْ بالغلط والطّغيان
غدّا الأرضْ تصبحْ كيفْ لوحة بريشة فنّان
رْعِي ونْزاهة وْنَظرْوجْميع خلق ربّي شبْعان
تتْفاجَا الحالة كثيرْ ويحسّ الفلاّح بالْأَمانْ
الطّير فسّْما يعلِّي ويعود يغنّي فرحانْ
الشّكر لربّي لحنين لعْظيم الجوَادْ فكُلّ زْمان
والحمدُلله لّي الشّتا عطيّتو بْلاَ فلان وفرتلاّن
ينزّل الغيث على عبدو الضعيف القنطان
ويخلّي سبحانو القلب مرتاح بالفرح مليان