Laila Najem

***

* ركبت مواج
الهوال
قاصد المجهول
وليه غادي
...
* عل فراق هلي
ولحباب عوال
وعازم نهاجر بلادي
...
* باغي نحقق شلا
حلام ف لبال
ونبلغ مرادي
...
* هزيت حمل عل
كتافي ثقال
ومن الصبر جنيت زادي
....
* عشت فبلاد
الغربة جوال
ملحف السما
والارض وسادي
...
* صباح ومسا نفتش
ع اللقمة حلال
ونبات عشايا تنهادي
...
* يام و وشهور ونا
عل هاد الحال
كبر الهم وزاد نكادي
...
ولي عل شانو جيت
صبح موحال
وما درت حساب
لهادي
...
* يامي ولات بحال
بحال
وغابت الفرحة ف
عيادي
...
* لامن يسول و علي
يسال
لا صديگ ولا حبيب
نشكي ليه ويردني
لرشادي
...
* تقادى الجهد
والصبر قلال
وزاد وحشي لبلادي
...
جاني كلام الجدود
ع البال
بغيت نخليه
وصية ل ولادي
...
عسل البلدان مهما
فوصفو يتگال
مانفضلو عل قطران
بلادي
...
ليلى ناجم