Ahmed Naciri

***

باسم الله نبدا لكلام
وعلى نبينا الصلاة والسلام
سمعوا وتمعنوا يا كرام
في قصة هاذ الدنيا....
.....
فيها بديت من زيرو عام
ما عارف حسد او خصام
ما هاز حمل ولا تخمام
وفرحوا بيا واليديا....
.....
شهر نونبر بالتمام
جادت بيا ليام
ف اسبوعي تبناو خيام
واهلي يشطحوا ويفرحوا بيا...
.....
حليت عيني من ظلام
وبكايا يتسمع للعلام
وما عرفت ف الدنيا جدام
وبابها نهارو يتسد عليا...
.....
وليت معاها نحسب ليام
والسكيطة هبرة وعظام
وتفاوت الحلال مع لحرام
والحلال طريقو بالتعب منشية...
.....
شحال فيها رسمت احلام
وسط رحبة قانون واحكام
وشفت الظالم ما يتلام
سبحان الله زين لعطية....
.....
لقيت ناس فيها غشام
وحسبينها ليهم دوام
كل في حالو عوام
والموت نشبة لروحو مبنية....
.....
..........أحمد الناصري.......