صباح اهتمام

***

شباب فاني
فيق فيق ياداك الراكَد
ماسمعت صوارخ
ما سمعت مدافع
راسك فالرملة
اوديلك وصل لغيامة
على من ناعس يارديل
على ظهر من حرير
يتكسر بك فلحين
جيوبك عامرة شخير
آش قضى ليك انفير
اوﻻ حتى انخير
كَول لي يا لهبيل
واش انت عليل
اوﻻ ضرير!
تسنى حتى يطلع لخمير
اوتاكل الخبز لفطير
درت راسك فسوق نخاسة
تشريك نسا كسابة
اوثمنك مهما غﻻ راه رخيص
وا اسفي عليك اداك لوليد
الزين او لقلدا
او لعقل ماتهدى
انت كثور هجين
بغت تاكل خروف سمين
اوتركب لحديد الزين
وتحبك نسا هبيلة
اوقلوبها عليلة
هدا زمان عجيب
اتقلبات فيه جميع لموازين
الرجلة فيه صبحات نصيب
بقلم :صباح اهتمام