موسيقى

غ تعاويدة
وخايبة ف تعاويد:
جاني حالي
وقف عليا
هاز شوكتو ماضية
سيفتو گاضية
يسول ويعاود:
واش لبارح شابه ليوم؟
بعدا أنا:
البارح جاني گارح
ومضيوم
الظلم مبيت فيه سارح
مگلث
ف سمانا مربي
غيوم
وكانت الحشمة
دايرة الزيف
وكانت الگانة
طالعة بالكيف
شقف ولحيط
شفنا الحق
ما سكتنا
حميناها لعيط:
حقوقي ..حقوقي
تسيفت عين حمرة
وسطافيط
تازما..
أكدز..
عنداك يسمعك الحيط
بوذيناتو
وسمعتك لرض وحصرت
وتعاويدتي حصلت
ف لخر
ومن لخر
سير عاودها ليهم
هادشي يااأاااامس
..
وليوم ؟هههه
ضحكتني والضحكة غابت عليا
ليوم ضيمو
زااااااد ف عنادو
زند هاد لگلیب
دنا لباقي من عوادو
ليوم ما عندو لاش يحشم
قصديرة
شطيح وغنا
وموهيرة
ليوم شوف ب لگفا
وصلي ف لخفا
وميك ..ميك
تعيش ف دفى
وغدا؟
غدا واصل صهدو
باقي گاع ما بدا
شحاااال خصنا من عدة؟
نسرطوا بعدا
ما خلا لبارح وليوم من غدة ...
هادا غير راس من خيط هاد الكبة/تعاويدة .......
بزين*2
بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)
  • مول القلب الصافي
    Hicham Britel ****** مول القلب الصافي ديما زهرو حافي يعطي بالوافي والناس ليه تجافي ينور طريق الناس أو هو طريقو طافي ...
  • (بلا عنوان)
    خالد الذهبي ******** بمناسبة يوم السلام Paloma de la paz Paloma lleva mi vos con altavoz Lleva mi mensaje do...
  • (بلا عنوان)
    Amina Izeddaghen 26 min 🌛  .....قمر الخلد .....  🌜 قمر الخلد قد بدا نورا بين النجوم مبجلا هلت له النجمات ترنما وشدت له الكواكب...