المحجوب بوسبولة

***

ديك النظرة
داتني مجادف ديك النظرة
وانا في لغرام ما نفهم
مانا غواص في سر الحضرة
يا ك صابني بغة وزاد خثم
خادتني خطواتي لغرام
وانا في لهوى مانعرف
ركبني ف سفينة لحلام
بمحاسنو وعطف داك اللطف
املكني ماعطاني فرصة
زادني مابقى ليا تحراك
وحروفو كتبت لي قصة
ورمات عليا انواع شباك
ياك وانا للي طحت م العالي
ساهي وفين غادي لاندري
وتبدل ف اللحظة حالي
ماقبلت ماكنت نبري
ياك لقيتو وعلى قياسي
درتو في بالي مانسيتو
ثوبي وعلى قد لباسي
من يوم لقاني ولقيتو
امضاء بوسبولة المحجوب