Abdelhaq Tawfiq Elbakkali

***

***تهرْنين بيطَالِي ...****
-----------------//////////////////-------------////////----------///////------

كيعجبني نونّس راسي بْراسي
والعلْكْ يتلوَّا يْدور بينْ ضْراسي 
والسمّاعاتْ فْودْنِيَّ دايرينْ خْراسِي
حيطانْ الدّربْ دايرهومْ ليَّ كْراسِي
گارُّويَ دايرْ منّو عكّازي وعسَّاسِي
هاكْذَا معذّباني شْواهْدِي يا ناَسِي
قرايْتِي كْثيرَة ورْگيگ أنا إحْساسِي
لجْوابْ فنَّابْ حاضرْ مرّاكْشي وْفاسِي
قهْوة كحْلة دْوامْ عيشْتِي وتغْماسِي
بِيطالِي مروّنْ منْ راسِي لْساسِي
وغْدايدْ المخْزنْ فدْواخْلِي نْخَاسِي
لاخدْمَة لانقْرة يغْبرْ فيها نْحَاسِي
وكلّها يگول وحْدي وْرَاسِي ياراسِي