Mohammed El Wafi

***

گلت ليك اعطي ب التساع
لجنان لكلام
وبارك عليك غ بحصيدة الهضرة
والمط الكارم
من زريع لحروف
تنبت الكلمة
وتفنن ازهارهاب معاني
مرسمة
عل حقاش الحرف لمنگي
من بعيد يبان كيالو
عل ظهرقلم يشايل ب جلالو
يحيل
يميل
ويعيط عل خلالو
الترسان المفتول برنة الغنة
ماهو كالسفيفة لمزوقة ب الموزونة
تعيا تنشب ف اجلايلها
وما تسوگر والو
ياك گلت خللي لكلام لمواليه
وانت شاد منغازك
تعطب فيه
وحق العالي الى طفرتيه

محمد الوافي