Mohamed Ali Gourch

***

آه منك يا دنيا
____________
من صغري نكدح ونقاسي فالهموم
ما بغا يتقاد زهري مالو
قلت نمشي لبلاد الروم
يمكن وضعي يتغير حالو

بقيت نفكر ما يجيني نوم
ذابت صحتي وحروف زيني ذبالو
فرق كبير بين البارح واليوم
طاحو سناني وراسي شاب كحالو

مافكرت باللي الدنيا فانية ما تدوم
ما دامتش حتى ل قارون ومالو
دابا أحسن لي نصلي ونصوم
ما بقا قد ما فات عمري قرب أجلو

هاذ الدنيا كلها مشاكل و هموم
فرحات من قنع ب لقليل و تزوج دار حلالو
ياكل طرف الخبز و يشبع نوم
يتهلى ف والديه ويربي اطفالو

ما نديرها راس مالي من اليوم
ولا نتبع راسي ف حماقو و هبالو
رخيصة ونا غليت ليك السوم
وكاع اللي دار راسو فيك هذا ما يجرالو

علي الكرش : في 2017/12/15