موسيقى

بحر
گالوا معروض
عاري لباسو من سماه
يداري كحولة
من سواكنو تمكنات
..
بحر
برزت الگمرة
وگعدت حداه
لجمتو
تكبر ..يهيج ف الشطحات
تحشم..يتكمش ف الجرات
..
بحر
ماااالح مهماج
يبطل السحور
يتخطاه
بسبع المواج
ويسحر بالحلاوة
ف الشوفات
هاااا قلبي
......
شكون مد ظهرو ف اللولات؟
داروا منو سلالم
طلعوا..ركبوا
ورگبوا عل المستورة
والله اللي بيها عالم
..
شكون اللي ونا
ف جراحنا مريرات؟
فاض الفوت ف حواضنا
ودفگات
..
شكون سرب خيوط
اللمة ف لعشاش؟
كانت حضانة دفاها بالجناوح
تشرشد ريشها وتلاوح
هاااا تخمامي
....
القلم
كان ف الحلم مسگم
حركت حجارو
صتو كركور ت الهم
..
القلم
عود أدهم
بخيال حران ملجم
فك لگياد
وأنت تفهم
..
القلم
سلاح
زااااند ف الجوف
عمارة
ف الفم تتكلم
نبلة
كانت تغمس براسها ف السم
ها باش ياتيني الله
بزين*2
بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)
  • مول القلب الصافي
    Hicham Britel ****** مول القلب الصافي ديما زهرو حافي يعطي بالوافي والناس ليه تجافي ينور طريق الناس أو هو طريقو طافي ...
  • (بلا عنوان)
    خالد الذهبي ******** بمناسبة يوم السلام Paloma de la paz Paloma lleva mi vos con altavoz Lleva mi mensaje do...
  • (بلا عنوان)
    Amina Izeddaghen 26 min 🌛  .....قمر الخلد .....  🌜 قمر الخلد قد بدا نورا بين النجوم مبجلا هلت له النجمات ترنما وشدت له الكواكب...