Nour Abouchama Hanif

***

هُوَ وْ هِيَ
...
هُوَ ظَـلْ ...
يبْنِي منْ ڭلْبُو حكْمَـاتْ
...
هِيَ طَلْ ...
تْنجْ ملْ لعْذُوبَة نعْمَـاتْ
...
هُومَا طْيُورْ
هُومَا مْنَاقرْ شَارْدَة
فْ التْرابْ ، غَرْسُو قَامَاتْ
...
طْرَاوْةْ لْحَنّا
خَلّاتْ لْكَفْ لْمَشْقُوقَة
غَوْتاتْ بَارْدَة
سَڭـّـاتْ التْرَابْ لُڭـمَاتْ
...
حَكْمِي الشّدّة يَا لْغَابَة
سَوّْرِي دْفُوفكْ مْدِيحْ
لا تْخَلّي عَنڭْ الشْجَرْ يِطِيحْ
رُشِّي وْرَاقُو ، رَجْمَاتْ
...
هُوَ ... لَبَانْ مرْعُوشْ
يِنزْ مَرّة تِيرسْ
مَرّة غَيْمَاتْ
...
هِيَ سْبُولَة محْنِيَة
لعْطَشْ غُرّافْ
ؤُ لْبِيرْ ... غُنّايَة
تهْدِي شَامَاتْ
...
الرِّيحْ ... سْرِيرْ
يِزَعْلَلْ دْوَالِي
يِفَخّخْ النّبْتَة
يِرَارِي بالتّفّاحْ
يشُرْبُو جُغْماتْ
...
هُوَ ... سِيفْ لْمَا
هِيَ ... قْطِيفْ اللّْمَى
هُومَا غَلّة وْ غَلّاتْ
ؤُ السّْمَا شَافتْ ... وْ زَمّاتْ
...
نون . حاء