Ahmed Naciri
***

دخلت لمحرك
بسربة لحروف
لقيت شي يشالي
وشي يهلل....
.....
بغيت ننظم
كلام مطرز
فوق عودي يركب
والخرطة بيها يتجلل...
.....
كورتو و كركبتو
وبالمعاني رشيتو
وسلهامو لبستو
بغيت عليه نعول....
.....
ركبتو على عودي
وتخيرت ليه لدهم
ربما لقلبي يرحم
ومن الغمة ليه يزول....
....
وليت نديه للمحرك
يرجعني البداية
حتى العود معاه عرك
وبقيت ليه ندلل...
.....
الكلام طلع لي ف الراس
وقلت ننج منو قصيدة
ساعة ما راعى ما حشم
وعذابو ما بغى يكمل...
.....
زيرت المنول
والسدى درتو متول
وماخفاكم حال
للحروف وليت نحول....
.....
ساعة الجراي ولى يتنخصص
زاد ترخى و تشبرك
وما بغى ليا يتفك
وعاد ما الراس زاد تهول...
.....
...........أحمد الناصري......