Mourad Chahin

***

انا ف عاركم يا اهل الحال
القلب مات والهم طوال
ما بقا زين الوجه كحال
والحباب صبرهم طال
والميمة دمعها سال
والموس للعضم وصل
والدم في العروق حصل
والتبسيمة ولات تجهيمة
ولا البكا عادة دايمة
وميات تخميمة وتخميمة
الله يشوف فينا من الدنيا اللئيمة
ديك الدنيا الفانية
لي فرقت الخوت
وما دارو بحساب الموت
ديك الجنة لي بناها ...
البو لحنين
فرتكوها في ساعتين
ولحروف لي خرجو من لفواه....
شاهدين
وداك حوض النعناع
كلا خدا حقو ..
ها لي بناه ولي باع باع
تفرقت الوليمة
ولي بنا وعلا ومشا ما ولا !
باقي يتسنا لحساب
يا إما جنة يا إما عداب
ودوك لولاد لي تسنا دعواتهم
الدنيا فتناتهم
بقلم /مراد بوقال