شعيب صالح المدكورى

***

كِيفْ نَصْبَرْ

تْمَعَنْ اَخُويَا فِ هَادْ زْمَانْ
شُوفْ ؤُ سْمَعْ خْبَارْ جَارْيَة
لْبَاطَلْ ؤُ لْحَقْ مْضَارْبَة
مَ بِنْهُمْ حْيُوطْ وَ لَا بِبَانْ
غْوَاتْهُمْ فِ سْمَا عَالْيَة
بْنَادَمْ وَسْطهُمْ تَلْفَانْ
مَ بْقَاتْ لِيهْ هَمَّة وْ عْنَايَة
وَ لَا كْبُورِيَا وَ لَا شَانْ
...
تْخَلَّطْ لَبْضْ مْعَ لَكْحَلْ
مَ تَعْرَفْ فِينْ صْوَابْ
تْلَفْ ؤُ حَارْ لَعْقَلْ
تَحْجَّرْ بِينْ بْوَابْ
تَبَّثْ ؤُ فَكَّرْ بِ مْهَلْ
اِبَانْو لِكْ لَسْبَابْ
لاَ طِيحْ فِ لَوْغَلْ
مَ تَلْگا لِكْ نْفَادْ
...
كَثْرَة لَمْصَايَبْ تَقُهَرْ
تَلَّفْ لِ مَ يَتْلَفْ
تَعْيَا تْگَادْ ؤُ تَنْجَرْ
تْعَافَرْ ؤُ تَوْگفْ
گَدَّاشْ مَزَالْ فِ لَعْمَرْ
نَتْحَمَّلْ ؤُ نَتْكَلَّفْ
نْدِيرُو لِ عْلِيهْ تَقْدَرْ
نَصْبَرْ ؤُ مَا نَزْعَفْ
...
شعيب صالح المدكوري
تامسنة 23.11.2017