يا دلالي
-- 0 - 0 --
يا دلالي
يا خويا
يا اللي لقاني بيه الله
في هاذ لبلاد
وفي هاذ الزمان
ابلا ميعاد
كان غير قدر من الله
ونا ما نتساهل اعقاب
ارخف هاذ الربكgة
اللي خانقني بها من عنقي
خليني انحقق المراد
لعل وعسى
لما ابقيتي باغيني
يشريني في السوق
واحد من لجواد
ايقد بيا
يعطيني ما نحتاج
ايكون قلبو احنين
ماشي تالف غا امعا لحساب
ومخليني انعاني
ويقول لي آمن بالمكتاب
وهو ما يعرف اصواب
يا دلالي
راني خوك
ؤ لاما اعرفتيني
حقق فيا الشوفة
ؤ فكر مزيان
راحنا كgاع اولاد
أمنا حوا وبونا آدام
كلنا اولاد تسع اشهور
غير المال اللي العب لعبو
دارك في هاذ الزمان
أنت ولد مول التاج
ونا ولد المحتاج
أنت أمير ولد أمير
عايش وسط الخير
ونا كتبوا اعليا
بالسيادة انكون عبد
انسوكg لحمير
أنت اتبات دافي وسط لحرير
في ذاك لقصرلكبير
ونا انبات عريان
تحت القزدير
يا دلالي
لا اتقيد امقال اعليا
لكنتي انت هو السبب
جوعتيني ؤ عطشتيني
ابلا حيلة ابلا اسباب
جرجفتي كgاع خير لبلاد
ؤ مزال زايد في لهبال
في الوقت اللي اكثيرتنا اتسنا
ترجع لله و تقاد
وتحسن لهاذ لعباد
يا دلالي
يا خويا
يا اللي لقاني بيه الله
في هاذ لبلاد
وفي هاذ الزمان
ابلا ميعاد
كان غير قدر من الله
ونا ما نتساهل اعقاب
ارخف هاذ الربكgة
اللي خانقني بها من عنقي
خليني انحقق المراد
لعل وعسى
لما ابقيتي باغيني
يشريني في السوق
واحد من لجواد
ايقد بيا
يعطيني ما نحتاج
ايكون قلبو احنين
ماشي تالف غا امعا لحساب
ومخليني انعاني
ويقول لي آمن بالمكتاب
وهو ما يعرف اصواب
يا دلالي
راني خوك
ؤ لاما اعرفتيني
حقق فيا الشوفة
ؤ فكر مزيان
راحنا كgاع اولاد
أمنا حوا وبونا آدام
كلنا اولاد تسع اشهور
غير المال اللي العب لعبو
دارك في هاذ الزمان
أنت ولد مول التاج
ونا ولد المحتاج
أنت أمير ولد أمير
عايش وسط الخير
ونا كتبوا اعليا
بالسيادة انكون عبد
انسوكg لحمير
أنت اتبات دافي وسط لحرير
في ذاك لقصرلكبير
ونا انبات عريان
تحت القزدير
يا دلالي
لا اتقيد امقال اعليا
لكنتي انت هو السبب
جوعتيني ؤ عطشتيني
ابلا حيلة ابلا اسباب
جرجفتي كgاع خير لبلاد
ؤ مزال زايد في لهبال
في الوقت اللي اكثيرتنا اتسنا
ترجع لله و تقاد
وتحسن لهاذ لعباد
بقلمي
المصطفى لخضر
يوم الأحد 25 نونبر 2017
ليست هناك تعليقات:
إرسال تعليق