Nour Abouchama Hanif

***

يالله نْصَلّيوْ لِسْتْسْقَا
...
التّْرَابْ شَـهْقَة فْ وْجَـهْ الشْتَـــا
ؤُ الشْتَا مْخَشْبَة عَلْ الرّعْــــــدَة
ؤُ الرَّعْدَة ، شَكْوَة خَاوْيَـــــــــة
...
لَرْضْ امْرَنْحَة فْ عْضَــــــايَا
لْكَسْدَة ، تْرَابْ نَاشـــــــــــــفْ
بْ لعْطَشْ لْحَايلْ دَاوْيَــــــــــة
...

شْكُونْ يِبَلّْ جُوفْ الصَّـــهـــدْ
يِزَعْلَلْ الدّوَالِــــــــــــــــــــــي
عْلَى رْشُوقْ اعْنَبْهَا ، غَــاوْيَة
...
ؤُ شْكُونْ يِخَرّجْ لْمِيهَـــــــــانْ
منْ عَزْ التِّيهَـــــــــــــــــــــانْ
يِنَجِّي ارْوَاحْنَا مَ لْهَاوْيَــــــــة
...
رَبِّي نْتَا عَـــــــــــــــــــــــالمْ
بْ سْرَارْ السْبُــــــــــــــــولَة
والطّيرْ ، مَ غَنّـَاوْهَا سَــاوْيَة
...
سْقِينَا غَيثْ غِيّــــــــــــــــاثْ
منْ عَينْ السْمَـــــــــــــــــــــا
خَلِّيهَا رَاوْيَــــــــــــــــــــــــة
...

نون حاء