Ahmed Naciri
***

الزمان كالوا غدار
ورجعوا ليه كل الاعذار
وصنعوا منو الاقدار
ماعرفوا حالهم تزاد على حالو....
.....
ياك تعماو ليهم الابصار
هذا نصاب هذا مشرار
فضحوا فيهم الاسرار
عاشوا ف الشر وجلالو...
.....
فين لي بقى صبار
وما تلقاه لكلامو عبار
يعمر غير بالشك والغيار
والقلب موتر بحبالو...
.....
مابقى فرق بين كبار وصغار
تركوا الحيا و التيقار
ولاو كيف المش مع الفار
ما فرقوا الحرام وعاشوا بحلالو...
.....
قالوا زماننا غدار
والساعة والدقيقة راهم احرار
مول لعقل يشربوه لمرار
وكلامي راه ماليه قلالو...
.....
.........أحمد الناصري....