..............حورية ..........
بنتي يا مُومو عينيَّ
ربيتك على الأخلاق والنيَّهْ
علاشْ غدرتي بِيَّ
هنيه عليك يا زماني الف هنيه
راه اللي ربتو ؤُ وكلتو بيديَّ
اليوم تمرَّد واخرج عليَّ
ربيتك تربية بدوية
اللباس طويل الجلابه بلديه
الصلا فاوقت والتبكار فالفجريه
وانت ُزدتيني كيه على كيه
شكون گال غادي تتبدلي يا حوريه
الماكياج والكلون واللبسة روميه
الروندڤويات ف الصباح ؤُ لعشيه
استحليتي لبحر والعيشة المجليه
بنتي يا مومو عينيَّ
ربيتك على الأخلاق والنيَّهْ
علاشْ غدرتي بِيَّ
سمحتي ف قرايتك وليتي أميه
بعد ما كنت وردة منوره
ملاك جميل،وَلِّيتي نيه
من بعد ما كنت حمامه بيضا
اكثر سمك وغرستيه فَيَّ
الله عليك يابنتي يا حوريه
بعد ما كنتي بنت مرضيه
نزل عليك اسخط وليتي منسيه
فضلتي تهربي مع ذاك الملعون
خليتي الدمعه سايلة من عِينيَّ
امك هامله وسط الدوار
ب فعالك يا بنتي مكويه
بنتي يا ومو عينيَّ
ربيتك على الأخلاق والنيَّهْ
علاش غْدرتي بِيَّ
ويا ك كنتي ل والديك مرضيه
شكون نزَّل عليك هاذ لَبليَّه
بنتي يا زينة لبنات
وياك امك مؤصله بلديه
شرفها سنسلة ذهبيه
كنت مرضه زدتيني نتيا
نطلب ن سِيد لَوْليَا
يشوف حالي وي خفف ما بِيَّ
راه عل السطليه
للا إلاكنت ريفيه ولا زناسنيه
احضي بنتك ولا يوقع ليك ما وقع لِيَّا
باسم الموضا والمبادئ الحقوقيه
بنتي يا زينه السميه
ربيت على الأخلاق والنيه
فين قرايتك ،فين التربية الاسلاميه
من بعد ماكنت تاج راسي فالدوار
ولاو ايعيروك بِيَّا
فين نمشي يا حبابي،راه طفات شمعتي
واتهرست القصريه
ربيتك على الأخلاق والنيَّهْ
علاشْ غدرتي بِيَّ
هنيه عليك يا زماني الف هنيه
راه اللي ربتو ؤُ وكلتو بيديَّ
اليوم تمرَّد واخرج عليَّ
ربيتك تربية بدوية
اللباس طويل الجلابه بلديه
الصلا فاوقت والتبكار فالفجريه
وانت ُزدتيني كيه على كيه
شكون گال غادي تتبدلي يا حوريه
الماكياج والكلون واللبسة روميه
الروندڤويات ف الصباح ؤُ لعشيه
استحليتي لبحر والعيشة المجليه
بنتي يا مومو عينيَّ
ربيتك على الأخلاق والنيَّهْ
علاشْ غدرتي بِيَّ
سمحتي ف قرايتك وليتي أميه
بعد ما كنت وردة منوره
ملاك جميل،وَلِّيتي نيه
من بعد ما كنت حمامه بيضا
اكثر سمك وغرستيه فَيَّ
الله عليك يابنتي يا حوريه
بعد ما كنتي بنت مرضيه
نزل عليك اسخط وليتي منسيه
فضلتي تهربي مع ذاك الملعون
خليتي الدمعه سايلة من عِينيَّ
امك هامله وسط الدوار
ب فعالك يا بنتي مكويه
بنتي يا ومو عينيَّ
ربيتك على الأخلاق والنيَّهْ
علاش غْدرتي بِيَّ
ويا ك كنتي ل والديك مرضيه
شكون نزَّل عليك هاذ لَبليَّه
بنتي يا زينة لبنات
وياك امك مؤصله بلديه
شرفها سنسلة ذهبيه
كنت مرضه زدتيني نتيا
نطلب ن سِيد لَوْليَا
يشوف حالي وي خفف ما بِيَّ
راه عل السطليه
للا إلاكنت ريفيه ولا زناسنيه
احضي بنتك ولا يوقع ليك ما وقع لِيَّا
باسم الموضا والمبادئ الحقوقيه
بنتي يا زينه السميه
ربيت على الأخلاق والنيه
فين قرايتك ،فين التربية الاسلاميه
من بعد ماكنت تاج راسي فالدوار
ولاو ايعيروك بِيَّا
فين نمشي يا حبابي،راه طفات شمعتي
واتهرست القصريه
محمد مهداوي
ليست هناك تعليقات:
إرسال تعليق