عنوان القصيدة : كركرت لحمامة
كركرت لحمامة
توجعت شامة
شدت في حبل
زحمت زحمة
طلبت الرحمة
سمعها العالي وقبل
تسمعت زكية
تبعتها بكية وبكية
ربي العالي فك لوحل
طلقت القابلة الغالية
تزغريتة طويلة عالية
قالت مبروك تزاد طفل
كركرت لحمامة
وتبسمت شامة
هذا علال دخل
سمى الله هز التيلاد
حمد ربي خالق لعباد
في وذنو ودن وهلل
تحتو شعلو مجمر
عطروه بمسك وعنبر
وبخروه بشبة وحرمل
علال ضرب الفال
طاح بوه في البال
قالوا العود كيعدل
على جدو سموه امحمد
لكلام تنفد ذبحو عجل
بمطلية عكر فاسي
حمرت شامة خد وخد
بمرود كحلت بكحل
عيون كبار زينها يهبل
فرحانة ليها السعد كمل
بعد سبع بنات ولدت ولد
على امحمد ؛ علال معول
كبت خيل جرات سربة
قراو طلبة لكتاب لمنزل
في العام الرابع
دخلوه للجامع
احفظ سوار ما تعطل
امحمد تزاد زهري
كبر واصبح عزري
خليفة بوه دار عقل
دار الزمان القتال
علال ما نفعو مال
جهدو قلال
مرض وعطل
تفكر وصية مخليها هدية
في صندوق ما منسية
خرج ينين ومسند
على كتاف امحمد
قصد القبة جبد رحل
قال لامحمد لعمر إلا ذبال
ما يشريه المال
عمري تحد أجلي وصل
خوذ هذا ورثك أقرأ ونفد
امحمد قرا لكتاب باب بباب
فيه كلام نظمو جدو
في قصيدة مسجل
كلامو مرصع
فيه معاني تنفع
مرة يعلل مرة يحلل
سمعو اشنو قال جدو
يا طالب العلم
لا تلجم الفم
دير المنغاز قلم
وسال وسول
قبل ما تزمم
لازم تخمم حكم لعقل
لمعاني صيرها وغربل
لكتاب صديق
ينور الطريق
يولد الحكمة
ويقوي الهمة
ويفك لخبل
إلا كنت قاضي ناضي
خاف العالي لا تظلم
الباطل حرام محرم
احكم بالحق واعدل
إلا كنت شاهد
تسلح بالجد
كون صادق لاتنافق
أنت راجل مرجل
الرزق مضمون
في اللوح مصيون
مقدرو خالق الكون
يقدر يكون في بحر
أو تمر من نخل منزل
رزق الجوف يبات فيه
وديال الناس خليه
قلب على لحلال
تحت أرض أو فوق جبال
عار الجار على الجار
وقريه بحال خوك
ماشي عدوك لا تغدريه
يكون في الغرب
أو في الشرق مقبل
لا تقطع الدم
زور الخالة الخال
والعمة والعم
واللي منهم عدم
اقرا ليه الهم
ولو مخردل
لمرا شجرا
في الارض مجدرة
في الحرنة مظلة
وراقها فيها رحمة
تهملها تخرف وتذبل
اختار لمرا
اللي تطول العشرة
في نكادك تفتح بشرة
ما تسمعك هدرة
وانت كون فحل
دير لولاد دق لوتاد
الرزق يتزاد
ورثهم العلم بهم ترحم
قبل ما الروح منك تسل
اللي ما كتب كتاب
وخلى اولاد واحباب
يتعزى في حياتو
إلا الموت داتو
تكون الناس نساتو
لجداد خدمو لبلاد
ورثو لولاد ولحفاد
كنز ما يدود ما يخنز
تراث شعبي متميز
تراثنا منا نحميه
بدمنا نفديه
فيه مفصلنا
فيه أصلنا
فيه أسرار وسريرة
إلا كنت مسافر تمهل
صنعة الليدين
ولعيوط الفايتين
فن الحلقة والدقة
رفيسة حيكوزة
الحرث بالتويزة
كركرت لحمامة
طاح علال بو ليتامة
نوحت وبكات شامة
مالوا قالوا علال رحل
كركرت لحمامة
وصحيت شامة
مالك أعلال يا بو لعيال
زربان باقي عليك الحال
العيشة بلا بيك محال
قصيدة الزجال
توزعت حروف
ورثو كلام الجد
امحمد ليه نفد
وطوى الرحل
لدواير الزمان تحمل
توجعت شامة
شدت في حبل
زحمت زحمة
طلبت الرحمة
سمعها العالي وقبل
تسمعت زكية
تبعتها بكية وبكية
ربي العالي فك لوحل
طلقت القابلة الغالية
تزغريتة طويلة عالية
قالت مبروك تزاد طفل
كركرت لحمامة
وتبسمت شامة
هذا علال دخل
سمى الله هز التيلاد
حمد ربي خالق لعباد
في وذنو ودن وهلل
تحتو شعلو مجمر
عطروه بمسك وعنبر
وبخروه بشبة وحرمل
علال ضرب الفال
طاح بوه في البال
قالوا العود كيعدل
على جدو سموه امحمد
لكلام تنفد ذبحو عجل
بمطلية عكر فاسي
حمرت شامة خد وخد
بمرود كحلت بكحل
عيون كبار زينها يهبل
فرحانة ليها السعد كمل
بعد سبع بنات ولدت ولد
على امحمد ؛ علال معول
كبت خيل جرات سربة
قراو طلبة لكتاب لمنزل
في العام الرابع
دخلوه للجامع
احفظ سوار ما تعطل
امحمد تزاد زهري
كبر واصبح عزري
خليفة بوه دار عقل
دار الزمان القتال
علال ما نفعو مال
جهدو قلال
مرض وعطل
تفكر وصية مخليها هدية
في صندوق ما منسية
خرج ينين ومسند
على كتاف امحمد
قصد القبة جبد رحل
قال لامحمد لعمر إلا ذبال
ما يشريه المال
عمري تحد أجلي وصل
خوذ هذا ورثك أقرأ ونفد
امحمد قرا لكتاب باب بباب
فيه كلام نظمو جدو
في قصيدة مسجل
كلامو مرصع
فيه معاني تنفع
مرة يعلل مرة يحلل
سمعو اشنو قال جدو
يا طالب العلم
لا تلجم الفم
دير المنغاز قلم
وسال وسول
قبل ما تزمم
لازم تخمم حكم لعقل
لمعاني صيرها وغربل
لكتاب صديق
ينور الطريق
يولد الحكمة
ويقوي الهمة
ويفك لخبل
إلا كنت قاضي ناضي
خاف العالي لا تظلم
الباطل حرام محرم
احكم بالحق واعدل
إلا كنت شاهد
تسلح بالجد
كون صادق لاتنافق
أنت راجل مرجل
الرزق مضمون
في اللوح مصيون
مقدرو خالق الكون
يقدر يكون في بحر
أو تمر من نخل منزل
رزق الجوف يبات فيه
وديال الناس خليه
قلب على لحلال
تحت أرض أو فوق جبال
عار الجار على الجار
وقريه بحال خوك
ماشي عدوك لا تغدريه
يكون في الغرب
أو في الشرق مقبل
لا تقطع الدم
زور الخالة الخال
والعمة والعم
واللي منهم عدم
اقرا ليه الهم
ولو مخردل
لمرا شجرا
في الارض مجدرة
في الحرنة مظلة
وراقها فيها رحمة
تهملها تخرف وتذبل
اختار لمرا
اللي تطول العشرة
في نكادك تفتح بشرة
ما تسمعك هدرة
وانت كون فحل
دير لولاد دق لوتاد
الرزق يتزاد
ورثهم العلم بهم ترحم
قبل ما الروح منك تسل
اللي ما كتب كتاب
وخلى اولاد واحباب
يتعزى في حياتو
إلا الموت داتو
تكون الناس نساتو
لجداد خدمو لبلاد
ورثو لولاد ولحفاد
كنز ما يدود ما يخنز
تراث شعبي متميز
تراثنا منا نحميه
بدمنا نفديه
فيه مفصلنا
فيه أصلنا
فيه أسرار وسريرة
إلا كنت مسافر تمهل
صنعة الليدين
ولعيوط الفايتين
فن الحلقة والدقة
رفيسة حيكوزة
الحرث بالتويزة
كركرت لحمامة
طاح علال بو ليتامة
نوحت وبكات شامة
مالوا قالوا علال رحل
كركرت لحمامة
وصحيت شامة
مالك أعلال يا بو لعيال
زربان باقي عليك الحال
العيشة بلا بيك محال
قصيدة الزجال
توزعت حروف
ورثو كلام الجد
امحمد ليه نفد
وطوى الرحل
لدواير الزمان تحمل
محمد المؤذن مؤسس ورئيس جمعية كازابلانكا للتراث الشعبي- المغرب
الدار البيضاء 22 فبراير 2012
الدار البيضاء 22 فبراير 2012
ليست هناك تعليقات:
إرسال تعليق