Said Lachhab

***

"سوق راسي"

دخلت سوق راسي
تبعت شي حروف
سرقت مني نعاسي
وخلاتني نقاسي
عطاوني خبارها شي گوالة
دازت جيهة الكيالة
وكيلت النقرة
باش يغبر نحاسي
دخلت سوق راسي
لقيتو خاوي
لاوي
جوج گياطن
وشلا زگاوي
عامرة بكلام هواوي
يشطح على الريح
ينوض ويطيح
وحروف تسمر ف بغال
وحروف تشوي لكبال
وحروف دايرة الحلقة
وحروف المرقة
جنب الشواية مْوَرْقة
وحروف تلعب الدادوس
وحروف تصلخ الناموس
وحروف قمارة
مع حروف شفارة
نوضو مْضاربة
فكوهم الگرابة
وحروف خضارة
مع حروف گزارة
تافقو من الفوق
يطلعو السوق
لقيت راسي
عند الحجام
نحلق لوسواسي
لقيت گملة
سادة عين لفهامة
وحيرت الحجامة
ما رضيت
وخرجت سوق راسي

لشهب سعيد : 25-10-2017