محمد الشرقاوي

***

يا حلوة
__________________
يا حلوة شايفك غزال
سبحانه ربى اللى صور
ع البعد مالى احتمال 
عايز ابتسامتك تنور
__________________
يا حلوة بحرك نادانى
والموج طوانى بقوة
كان إية ف حبك رمانى
مانا كنت عايش فتوة
__________________
يا حلوة يا ام الرموش
تدبح قلوب السهارى
ساكن ف حيك وحوش
طالبين عيون العذارى
__________________
يا حلوة نظرة عيونك
بصت عليا ونادتنى
أنا قلت دايما هصونك
واحرق مشاعر باعتنى
__________________
يا حلوة ربى حاميكى
من كل حاسد وخاين
قلبى اللى شاور عليكى
مشتاق لورد الجناين
__________________
شعر /محمد الشرقاوى