مسار خراز=مسار صنعة.
كان المعلم عبد القادر
حاضر ناضر
اللحيةبيضا
العمامة ببضا
والجلابة غرية
والبلغة خمربة
كان قامة وتجريدة
وعضلات قوبة فريدة
لسانو حلو وكلاموموزون
كل الناس يحبو يعطوه العربون
اطرز بخيوط الذهب الشربيل
الجلد يعطيه أحلى تشكيل
المضمة المزوقة بالصقلي
اللي شرا اليوم لازم غد اوللي
هوامين الحنطة
أي مشكل على يديه يتقضا
مرة مرة يخدم دلال
تيعاون سي علال
عطاو الف الف وخمسمائة
هاذا شربيل هذي مضمضة
هاذي لبسة ت الهمة
واحد-جوج- تلانة-الله يربح مولاها
قيس .هاانت مفصلة عليك انت مولاها
♤♡ ♤♡
♤♡ ♤♡
سلعة غريبة للقيساريةتسللت
وعيون الناس خطفت
رخيصة وعليها الطلب
ولى المعلم يبات احسب
البيع زاد نقص
الرباح طاح على الدص
بدا يبيع بالخسارة
سلعةكلها عمارة
♤♡ ♤♡ ♤♡
♤♡ ♤♡ ♤♡
اليوم صار ارمل
لا ولد لا بنت به اتشغل
شكون يظن الراجل
تقلب حياتو يتبهدل
وللي مسكة في الفام
بعدما كان راجل همام
بالكولا والسوميلا
عايش بلا فاميلا
ادبر على الكاميلا
ااسبرديلا يرقع
الصباط يلمع
بالمطرقة والمسمار
يعمل طول النهار
ايتقن الخدمة
والكليان في الذمة
ومني تقوس الظهر
و تبدل المنظر
ولى على البوردو يتكا
وعليه ديما يتشكا
يبكي على صنعة الجدود
روعةبالشهود
قدام عينيه تتموت
اعتقو ألخوت
اعتقو الخوت
قبل ما يفوت الفوت
المعلم عبدالقادر
على الخدمة ماقادر
لاتقاعد لاضمان
كان يظن غايعيش ف الأمان
صبح الله غالب
دموعو امواج تتجالب
مسكين مريض
راه في الحضيض
قال بغا اشري الدوا
وامشي عند الطببب هادشي ما نوى
السوق خداوه الشينوا
عمر بنحيدي 21/11/2017
ليست هناك تعليقات:
إرسال تعليق