Choaib El Harougui

***

🌹 زجل : بْغيتْ عَشْقَكْ يْكُونْ بَ جْوَارِي🌹

مَلِّي لَمْحَبَّة ْدَخْلَاتْ لْدَارِي...
صَلِّيتْ وَشْكَرْتْ لْبَارِي وْقَلْتْ بْدَا لَـعْمَـرْ...

مْحَبْتَكْ سَرّْ وْكُلّْ أسْرَارِي ...
لاَشْ نْخَبِّي عْلِيكْ وَنْعَانَدْ سِيدْنَا قْـــدَرْ...

نْضَرّْ نَفْسِي وَتْشِيعْ اخْبَارِي...
وَلْحَاسْدينْ مَنْ حْسَدْهُمْ بْنَاوْ لِي قْـبَـرْ...

الرُّوحْ بْسَرّْهَا تْبُوحْ لَلْبَارِي...
وْزِينَةْ لَبْنَاتْ بَ سَّرْ بَ جْهَرْ تَنْهِي وْتَاْمَـرْ...

مَاانْتِ قْرِيبَةْ نْفَرَّحْ بِيكْ ابْصَارِي..
وَالرُّوحْ وَلْقَلْبْ لْ مَشْتَاقْ لِيكْ تَآمَرْ يَحْضَرْ...

بْغيتْ عَشْقَكْ يْكُونْ بَ جْوَارِي
وَالشْفَايَفْ لْغَارْقِينْ فَ مْحَبْتَكْ خَاطْري تَجْبَرْ.

رَانِي كُلْ مَانْويتْ نَطَفِي جْمَارِي...
وَنْغَلَّبْ مَايَا عْلَى نَارِي...
الشُّوقْ لْمَلْهُوفْ عْلَى حَدّْ الشُّوفْ يَشْعَلْ كْثَرْ...

....♦️ومضة من وحي لحظتها♦️....
....🔹بتاريخ2017/06/28 🔹...